Bengaluru, Nailur:
Katkum ka kaiphot ba la ïohlum, la ong ba ka tnat pulit jong ka Karnataka kan buh ïa ka kynhun ki pulit ha Kanimanike Toll Gate kaba don ha Mysuru ban kem ïa ki kali kiba ïaid bad pynher stet palat. Wat lada la daiñ kuna lyngba ki jingkhmih bniah na ki Camera ANPR ba la buh ha kylleng ka lynti, hynrei ki nongpynkheiñ ïa ki kyndon kim siew ïa ki haba la ai Online.
Ka tnad pulit ka la rai ban daiñ kuna markhmat lada ïohi ne lap ïa ki kali ba ki ïaid stet palat ha surok bah Bengaluru-Mysuru. Ka kaiphot ka la ong shuh shuh ba ki la don tang 5,300 ngut na ki 89,221 ngut kiba la siew kuna haduh mynta, bad kiba bun ki jingpynkheiñ la ïohi ha ki trai kali shimet.
Hynrei u Additional Director General of Police (ADGP) jong ka Karnataka, u Alok Kumar, u la ong ba yn sa pynkylla biang ïa ka jingpynïaid kali, lada jia ba shem ba ki jingjia takhuh kali ha ki surok bah ki hiar. “Ngi lah ban kyrpad ïa ka NHAI ban pynduna ïa ka jingpynstet lada jia ba ka jingïap jong ki briew na ki jingjia aksiden ki hiar,” la ong u heh pulit.
