Ka im ka ïap ka shong ha ka mon u Blei. Ngi ki briew ngi ngeit ba u Blei u la khot noh ia ki. Hato ka dei shisha ba U Trai u la wan shaw noh ïa ki ? Em, ka jingïap jong ngi ki briew ka dei na ka daw ka pop la jong. Namar ka ktien U Blei ka ong, ka bai-nong jong ka pop ka long ka jing-iap (Rom 6 : 23). Kane ka long ka jingiohi jong nga haba nga shem lyngba ka ktien U Blei. Kiba bun ki jingpaw lyngba ka jingsngewnguh ïa kiba ïap bun ki ong ba u Blei u la kot noh ïa ki sha ka khot u Blei. Ka ktien u Blei ruh ka ong ka nongshun kaba khadduh jongngi ki briew ka long ka jingiap. Bad ym don hi ba lah ban lait na ka jingïap da lei lei ruh. Namar ngi ki briew ym don u bym ju ïap. Dei tang u Blei ne uta u syiem bymjukut u bym ju iap bad u bym lah ïohi. Dei kumne ba ka ktien U Blei ka ong, U Blei um long u Blei kiba la iap hynrei u Blei jong kiba dang im (Math 22 : 52) Kiba ïap kim don Blei shuh. Kumno keiñ ki lah ban leit ha ka hima ki bneng ne ka khet u Blei ? Kane ka long tang ka jingsngew jong ngi ki briew ba kiba ïap ki la leit shong suk ha ka hima u Blei.
C. B. Iawphniaw
