Shillong, Nailur 09
Ka Mylliem Lum SC ka la ïoh jingjop ha ka lympung ïalehkai Second Division Football League 2024 ba la pynïaid da ka Shillong Sports Association hadien ba ka la lah ban pynliem noh ïa ka Marbisu SC da 1-0 kol ha ka Lah Sngi U Blei ha SSA Stadium.
Kane ka nam jop ka la wan urlong lyngba ka shi kol ba la thep da u Mecheal Roy Kurbah uba la ïoh ban thep ha ka minit kaba 73.
Haba phai sha kawei pat ka jingïakhun kaba la long kham hashwa, ka Lumshyiap SC ka la ïasam mar shi point bad ka Pay For Right F.A hadien ba ki la ïakhaid mar 2-2 kol.
Ha kane ka jingïakhun ka Lumshyiap ka la ïoh ba pynkhihjar nyngkong eh lyngba u Dawanmardor Suram ha ka minit kaba 19, hynrei arm init ka PFR ka la lah ban pynphai kylla lyngba u Nickhel Lyngkhoi.
Hadien shiteng kynta ka PFR ka la ïoh ban thep biang ïa ka kol kaba ar lyngba u Robi Maring ha ka minit kaba 37. Hashwa ban wai ka Lumshyiap ka la lah ban pynphai kylla lyngba u Dawanmardor ha ka minit kaba 90+1 na ka bynta ban ïakhaid mar 2-2 kol
Ka jingïalehkai ha ka sngi Ba-ar kan long hapdeng ka Lamlynti FC pyrshah ïa ka Rynjah SC ha ka por 12:30, katba ka Mawshbuit SC ïa ka Sanmer SC ha ka por 3:30 janmiet.
