Shillong, Nailur 18
Ka Meghalaya Cricket Association ka la jied ïa 25 ngut ki ‘thei ïalehkai ban ïaid sha ka jingpyrshang kaba khatduh (final selection trial-cum-preparatory camp) na ka bynta ka kynhun ïalehkai ka Jylla ka ban ïashim bynta ha ka BCCI’s Senior Women T20 Trophy 2024-25.
Kane ka jingpyrshang kan long ha kane ka nongbah naduh 23 tarik mynta u bnai ha madan MCA kaba ha Polo.
Ka MCA ka la bishar bniah ïa ki nongïalehkai kiba la ïashim bynta ha ka jingpyrshang (selection trial) jong ki Senior bad U-23 ba la pynlong ha Jagiroad, Assam ha u Jylliew bad Naitung mynta u snem bad la lah ban pynduna sha ki 25 ngut.
Ki nongïalehkai ki dei ban leit sha Shillong ha ka 22 tarik mynta u bnai, ha kaba ka por leit ai jingtip na ka bynta ka sngi nyngkong jong ka jingpyrshang kan long ha katei ka sngi kaba la buh ha ka por 8:30 mynstep.
Ki ‘thei ïalehkai kiba la shah jied ki long ka Riticia Nongbet, Luiza Tamang, Debasmita Dutta, Suruti Kumari Ray, Daiaka Warjri, Ritreki Pohshna, Solina Jaba, Deiphibapynshngain L Mawnai, Ruby Chettri, Ankita Sharma, Ribanjanai Mynsong, Neelam Roy, Neha Hajong, Indariakor Kharwanniang, Monica L Phawa, Rebeldalis Syiemlieh, Anchal Singh, Ajima Sangma, Sara Daffica Kharbani, Dubleen Nengnong, Sistilin Ryntathiang, Evanrilin S Syiem, Monicable Marbaniang, Fullnessy Mawlong bad ka Kamchira Marak. Katba ki coach ki long ka Deepali C Patkar (Head Coach), Mackie D Blah (Assistant Coach), Wandashisha Dkhar (Physio) bad ka Darishesha Mawroh (Trainer).
