Shillong, Nailur 20
Ka Meghalaya Carrom Association kan pynlong ïa ka jingïakob siat carrom ba la tip kum ka 22nd Meghalaya Open State Ranking Carrom Championship 2024 ha Madanrting Carrom Club naduh 9 haduh 12 tarik u Risaw.
Kane ka lympung ka long shi bynta ban jied ïa ki ‘rang kynsai ba tbit ban mihkhmat ïa ka Jylla sha ka National Level Carrom Championship.
Ïa kane ka jingïakob yn wan ban plie da u Bah Ardent Miller Basaiawmoit, MLA ka Nongkrem Constituency bad yn pynhap pyrda da u MP ka Shillong u Dr Ricky A.J Syngkon. Ïa ki jingtip ba bniah ki lah ban phone ïa u General Secretary Bah Romeo Rani (8794401639) bad Asst. General Secretary Bah Wanlambha Kharkongor (9612274412).
