Shillong, Nailur 20:
Hadien ba la jan 130 tylli ki jingïalehkai kiba la saphriang ha ki saw tylli ki zone ha ki ar tylli ki kyrdan rta, ka Round Robin Stage jong ka Meghalaya Youth League (MYL) 2024 ka la jan poi artad sha kaba kut namar ïa ka jingïalehkai ba khatduh jong ka Zone B bad D kan long ha ka Sngi Saitjaiñ.
Ki jingïalehkai Zone C ruh ha kaba sdang la buh ban pynkut noh mynta ka sngi kut taïew, hynrei namar ka jingpynkynriah kaba ym lah ban kiar, ki jingïalehkai kin shim por sa shi taïew ban pyndep.
Ha ka Zone A la lah ban pyndep ïa ki jingïalehkai. Ki ar tylli ki kynhun kiba wan hakhmat duh na kawei pa kawei ka kynhun kin kiew sha ka kyrdan jong ka quarterfinal ha u bnai ban wan. Ka West Jaiñtia District Sports Association ka la pynthikna ïa ka kyrdan ba ha khlieh duh ha ka kyrdan U-14 bad U-16 ha ka Zone B.
Ka Amlarem Block Sports Association ruh ka la pynthikna ba ka don ha ka kyrdan ba-ar ha ka U-14 hynrei ka kyrdan ba-ar U-16 ka dang sah ha ka kyrdan ba hajrong, ha kaba ka Saipung Block Sports Association, ka Amlarem (baroh arngut ki la ïoh 11 poiñ) bad ka East Jaiñtia District Football Association (10 poiñ) baroh ki don ha ka jingïakhun.
Ha ka Zone C, ka Shillong Sports Association ka lah ban ai jingkular ban ïoh ïa ka jaka ha ka QuarterFinal lada kan jop pyrshah ïa ka Riwar Mihngi Football Association ha ka rta U-14. Ka Ri-Bhoi District Sports Association (ki ban nym ïalehkai mynta ka sngi) bad ka Shillong SA ki la dep ban buh jaka ha ki quarter jong ka U-16 Division, watla ka jingïaid ryntih jong ki ar tylli ki kynhun ka dang ïaid shakhmat.
Ha ka Zone D, ka kynhun ïalehkai U-14 jong ka Nongstoin District Sports Association bad ka Pyndengumiong District Sports Association kin kiew sha ka QuarterFinal hynrei mano ba pyndep ha ka kyrdan ba nyngkong bad ba ar yn sa rai mynta ka sngi.
Ha ka rta U-16, ka Nongstoiñ ka kynhun kaba lamkhmat ka donkam tang ïa ka jingïakhaid mynta ka sngi ban buh ïa ka kyrdan ba nyngkong ha ka zone. Ka jingïakhun kaba shisha kan long na ka bynta ka kyrdan ba-ar hapdeng ka Eastern Border Sports Association (15 poiñ), ka Pyndengumïong (13 poiñ) bad ka Tyrsad Area Sports Association (12 poiñ).
Ka Prokram ïalehkai mynta ka sngi ka long kumne harum:
Zone B – U-14 (1pm) & U-16 (3pm); West Jaintia District Sports Association vs Saipung Block Sports Association; Kiang Nangbah Stadium
Zone B – U-14 (1pm) & U-16 (3pm); Amlarem Block Sports Association vs East Jaintia District Football Association; Ladjaplem Mini Stadium
Zone C – U-14 (11am) & U-16 (1pm); Shillong Sports Association vs Riwar Mihngi Football Association; MFA Turf
Zone C – U-16 (3pm); Western Ri-Bhoi Sports Association vs Sohra Sports Association; Jirang Stadium
Zone D – U-14 (1pm) & U-16 (3pm); Mawshynrut Sports Association vs Mawkyrwat District Sports Association; Riangdo Playground
Zone D – U-14 (1pm) & U-16 (3pm); Pyndengumiong District Sports Association vs Eastern Border Sports Association; Dommawlum Playground
Zone D – U-14 (1pm) & U-16 (3pm); Nongstoin District Sport Association vs Tyrsad Area Sports Association; NDSA Playground.
