Shillong, Nailur 22
Ka kam ïalehkai ka dei kawei kaba baroh ki sngewtynnad hynrei bun sien kane ka pynduh mynsiem noh namar kim ïoh jingkyrshan bad ki hap sangeh noh tang namar ba kin ïoh ban siew ïa ki jinglut jingsep kaba ki dei ban siew.
Na ka liang u MLA ka Mawkynrew Constituency u Bah Banteidor Lyng-doh ha ka Sngi Saitjaiñ u la aiti da ka song pisa kaba T. 5 lak tyngka sha ka Jongksha Sport Club ka kynhun kaba ïakhun ha ka Second Division Football League 2024 ba la pynïaid da ka Shillong Sports Association. Ïa kane ka song pisa, u Bah Bantei-dor u la aiti ha ka kti u Sordar ka shnong Jongsha u Bah Ollet ha ryngkat ka jingdon lang ki nong-ïalam jong ka klob.
Na ka liang u Bah Banteidor u la kitbok-kitrwiang ïa katei ka kynhun ba kan ïaleh bha bad hadien ka la lah ban pynurlong ïa ka jingjop hadien ba ka la lah ban pynliem noh ïa ka Mylliem Lum da 3-0 kol.
U Bah Banteidor u la ïathuh ba kum u nongmihkhmat ka dei ka kamram jong u ban ai jingkyrshan ïa ki samla ka Jylla. U la ong ba u don ka jingthrang ban kyrshan ïa ki Sport Club napoh ka constituency. Nalor kane u la ai jingïarap sha ka Laitkyrhong Sport Club T. 5 lak tyngka bad kiwei kiwei ki sport club kiba ïashim bynta ha ki lympung ïalehkai bapher bapher.
