Shillong, Nailur 23
Ka Shooting Association of Meghalaya (SAM) ka la ai khublei ïa u Pre-sident ba thymmai ka National Rifle Association of India (NRAI) u Kalikesh Narayan Singh Deo uba la ïoh jingjop ha ka ilekshon kaba la long ha ka Sngi Saitjaiñ ha nongbah Delhi.
Ha kane ka ilekshon u Kalikesh Narayan Singh u la jop da 36 la 21 vote ïa u V.K. Dhall uba la ïakhun pyrshah.
“Ka jinglong nongïalam jong phi ka long kaba la khmih lynti da baroh, bad ngi ngeit skhem ba hapoh ka jingïalam jong phi, ka NRAI kan ïoh ïa ki kyrdan kiba thymmai ha ka jingjop ki ban long shabar ri,” la pynpaw u President ka SAM u Bah John Kharshïing.
“Ngi khmih lynti ïa ki jingthmu jong phi ha ka ban kyntiew ïa ki Centre of Excellence, ban pynroi ïa ki sap, bad ban tei ïa ka jingnang jingstad kaba khlaiñ jong ki nonghikai ka ban ïarap ïa ka jingroi ba pura jong ka jingïalehkai siat suloi hapoh ka ri.”
