Shillong, Nailur 23
U President ka Meghalaya Football Association (MFA) Bah Hamletson Dohling u la shah jied ha ka All India Football Federation (AIFF) ban long kum u khlieh nongïalam (Head of Delegation) ïa ka kynhun ïalehkai ka ri na ka bynta ka AFC U-20 Asian Cup 2025 Qualifiers 2025 ka ban sdang naduh ka 25 haduh ka 29 tarik mynta u bnai ha Laos.
Ha kane ka kynti, ka India ka la don ha ka Group-G bad kan ïakhun pyrshah ïa ka Islamic Republic of Iran, Mongolia bad ka Laos.
Ka jingïalehkai ba nyngkong jong ka India kan dei ha ka 25 tarik pyrshah ïa ka Mongolia, kumjuh ïa ka Iran ha ka 27 tarik bad ha ka 29 ïa ka Laos. Ïa baroh ki jingïalehkai yn pynlong ha Lao National Stadium KM16, Vientiane.
