Shillong, Nailur 25
Ka Badminton Association of India (BAI) ha ka Sngi Ba-ar ka la pynbna ba kan ai khusnam kyllum haduh T.50 lak ïa ki nongïalehkai ‘para badminton’ kiba la ïoh takma ha ka Paris Paralympics kaba dang shu dep mynshem bnai.
Kine nongïalehkai jong ka ri ki la khur san tylli ki takma, ba kynthup ïa kawei ka takma ksiar, ar tylli ki takma rupa bad ar tylli ki takma rnong.
U Nitesh Kumar uba la khur ïa ka ksiar kaba la angnud bha ha ka kyrdan jong ki shynrang Singles SL3 un ïoh ïa ka khusnam kaba T.15 lak, katba u Suhas Yathiraj (men’s Singles SL4) bad ka Thulasimathi Murugesan (women’s Singles SUwarded) kin ïoh mar T. 1 lakh.
Ki nongjop ïa ka takma rnong ka Manisha Ramadass (ki kynthei marwei SU5) bad ka Nithya Sre Sivan (ki kynthei marwei SH6) kin ïoh mar mar 7.5 lak tyngka.
Ka Thulasimathi, ka Manisha bad ka Nithya ki la thaw ïa ka khana da kaba long ki nongïalehkai kynthei ba nyngkong eh na India ban khur ïa ki takma ha ka Paralympics.
“Ki nongïalehkai para badminton jong ka ri India ki la pyni bor beit ha ka rynsan jong ka pyrthei bad ka khusnam pisa ka long tang kawei ka lad ïa ka BAI ban ithuh ïa ka jingtrei shitom jong ki ban ïarap ïa ka ri ban khur takma ha ka Paralympics”, la ong u secretary general ka BAI u Sanjay Mishra.
“Ka BAI ka angnud ban kyntiew ïa ka jingïalehkai para-badminton ha kylleng ka ri bad ban ïarap ïa kine ki nongïalehkai ban ïoh ïa ka jingjop kaba kham bun bad bun ki jingthmu ban kyntiew ïa ka para-badminton ki dangïaid shakhmat,” u la bynrap.
Da kaba pyrkhat ïa ka jingïalehkai kaba jylliew bha jong ki nongïalehkai, ka BAI kan pynlong ruh ïa ka jingïakren bad kine ki nongïalehkai ban ai khublei ïa ki bad ban sngewthuh ïa ki jingdonkam jong ki na ka bynta ban bteng ban nangkiew shaphrang.
