Shillong, Nailur 27

Ka Meghalaya Cricket Association (MCA) ka Komiti jied ïa ki kynthei ba la kham rangbah ka la jied ïa ka kynhun kaba 15 ngut ban ïakhun ha ka Senior Women T20 Trophy jong ka BCCI ha u bnai ban wan.

Kane ka juh ka kynhun kan mihkhmat ruh ïa ka jylla Meghalaya ha ka 1st Senior Women’s Interstate Friendship T20 Tournament jong ka North East Cricket Development Council (NECDC) ka ban pynlong da ka MCA ha madan Kriket Pahamsning, Nongkrah, Ri-Bhoi, naduh ka 30 tarik Nailur haduh ka 4 tarik Risaw.

Kane ka lympung ïalehkai jong ka NECDC kaba ïashim bynta lang da ka Arunachal Pradesh, Manipur, Meghalaya, Mizoram, Nagaland bad Sikkim- ka thmu pynbit-pynbiang ïa ka jingpynkhreh ïa ki jingïalehkai shuwa ban sdang ïa ka BCCI Senior Women’s T20 Trophy.

Hadien ka lympung ïalehkai jong ka NECDC, ki nongïalehkai kin sa wanphai biang sha Shillong bad kin bteng da ka camp pynkhreh shuwa ban mih sha ka lympung ïalehkai ka BCCI ha ka 14 tarik u Risaw.

Ha ka jingïakhun BCCI, ka Meghalaya ka la shah pynïakab (draw) bad ka Assam, Bihar, Madhya Pradesh, Delhi, Punjab bad Rajasthan. Ki jingïakhun jong ka Meghalaya kin long ha Kerala naduh ka 17 haduh ka 28 tarik u Risaw.

Ki ‘thei ïalehkai ka jylla ki kynthup:

Riticia Nongbet, Luiza Tamang, Debasmita Dutta, Suriti Kumari Ray, Daïaka E Warjri, Solina Jaba, Ruby Chettri, Neha Hajong, Indariakor Kharwanniang, Monica L Phawa, Rebeldalis Syimlieh, Ajima Sangma, Sara D Kharbani, Monicable Marbaniang, Dubleen Nengnong

Standbys: Deiphibapynshngain L Mawnai, Ritreki Pohshna, Ankita Sharma, Neelam Roy, Anchal Singh

Support staff: Deepali C Patkar (Head Coach), Mackie D Blah (Assistant Coach), Wandashisha Dkhar (Physio), Darishesha Mawroh (Trainer), Indrasing Syiemlieh (Manager)

Ki prokram ïalehkai ka Meghalaya na bynta ka BCCI Senior Women’s T20 Trophy:

vs Assam, 17 Risaw

vs Bihar, 18 Risaw

vs Madhya Pradesh, 20 Risaw

vs Delhi, 22 Risaw

vs Punjab, 24 Risaw

vs Rajasthan, 28 Risaw