Shillong, Nailur 29
Kum shi bynta ban rakhe ïa ka sngikha jong u Mahatma Gandhi bad ban rakhe ïa ka Swachhata Hi Seva, ka Raj Bhavan, Shillong ryngkat ka jingïatreilang bad ka Central Bureau of Communication jong ka Sorkar Pdeng lem bad ka shlem treikam jong u District Sports Officer (DSO) East Khasi Hills, kin pynlong ïa ka “Swachhata 5.5K Run” ha ka 2 tarik u Risaw mynta u snem ha kane kane ka jingmareh kan sdang bad kut ha Raj Bhavan, Shillong.
Ïa kane ka Swachhata Run yn sdang na Raj Bhavan, Shillong ha ka por 7 baje mynstep bad yn kaweh lama da u Lat ka Jylla u C. H. Vijayashankar. Ka lynti ïaid kan long sha St. Anthony’s College, Shillong College, St. Mary’s College, Don Bosco Square, Ïew Laitumkhrah, ki Fire Brigade, St. Edmund’s School, Malki Point, Barik Point, Civil Hospital, Main Secretariat, DC Office bad ban pynkut pat ha Raj Bhavan, Shillong.
Na ka liang ki bor pynïaid ki la pynkhreh ïa ki khusnam pisa na ka bynta ki nongjop shynrang kynthei ha kaba ïa kiba wan ba nyngkong kin ïoh T.5,000, ba-ar T.3,000 bad bad balai T.2,000. Ka don ruh ka khusnam (consolation) kaba long T.1000 marwei na ka bynta kiba wan ha ka kyrdan kaba saw haduh kaba phra bad T.1000 na ka bynta ki shynrang bad kynthei kiba la palat ïa ka 50 snem rta kata naduh kiba wan ba nyngkong haduh basan.
Ka jingpynrung kyrteng kan sdang naduh ka por 6 haduh 6:45 mynstep ha ka 2 tarik u Risaw. Lahr uh ban pynrung kyrteng lyngba ka online ha ka https://bit.ly/3Y3wqhv. Ïa ki chest number yn sa sam haka 2 tarik shwa ban sdang ka jingmareh.
