Jowai, Nailur 30
Ka lympung ïalehkai 2nd Division Football Tournament (7th Debo Shullai Memorial Trophy) ba la pynïaid da ka West Jaiñtia District Sports Association (WJDSA) ka la jam noh sha ka quarter-final ha kaba ki jingïalehkai kin long ha ka Sngi Ba-ar ha Kiang Nangbah Stadium kaba ha Jowai.
Ka jingïalehkai quarter final kaba nyngkong kan long hapdeng ka Nangbah Dukhu pyrshah ïa ka Mukhla Umlangshor ha ka por 12 baje, katba ka Chilliangraij pyrshah ïa ka Lion Sports Youth Affair ha ka por 2:30 nohphai sngi.
Ha ka 3 tarik ka Panaliar kan aireng pyrshah ïa ka Rising Sun Mukhla bad ka Lumbhahdakha Wahïajer ïa ka Madankynsaw Mawkyndeng.
Ka jingïakhun semifinal kan long ha ka 7 bad 8 tarik u Risaw bad ka final ha ka 12 tarik.
Haba phai sha ka jingïalehkai kaba khatduh, ka Ïawmulong Nartiang ka la jop da 3-1 kol ïa ka Lutituber Ïalong. Ïa ki kol jong ka Ïawmulong Nartiang la thep da u Mechanki Synnah (55 & 63) bad u Heinipaia Phalangki (78). Katba na ka Lutituber la thep da u Glayment Pale (15).
