Jowai, Risaw 09
Ka Mookyndur ka la ïoh jingjop, katba ka Thadmuthlong bad Mynthong ki la ïasam poiñ ha ka jingïalehkai 1st Division Football Tournament-12th Chatister Kharkongor Memorial Trophy 2024 ba la pynïaid da ka West Jaiñtia District Sports Association (WJDSA).
Ha ka jingïalehkai ka ba la long ha madan Kiang Nangbah Stadium, Jowai ha ka Sngi Balang ka Mooknor Thadmuthlong bad Mynthong ki la ïakhaid mar 1-1 kol. Ïa ka kol jong ka Mooknor la thep da u Ioh i Dhar ha ka minit ka ba 13 bad na ka bynta ka Mynthong la thep da u Riketto Dkhar ha ka minit ka ba 31.
Haba phai sha kawei pat ka jingïalehkai ka ba bud, ka Mookyndur ka la pynliem ïa ka Moosalyngkat da 2-1 kol. Ïa ki kol jong ka Mookyndur la thep da u Bandaplang Pariat ha ka minit ka ba 19 bad Carefulme Suting ha ka minit ka ba 36 katba ïa ka kol jong ka Moosalyngkat la thep da u Riki Phawa ha ka minit ka ba 80.
