Jowai, Risaw 14
Ka shlem treikam u District Sports Officer (DSO), West Jaiñtia Hills ha ka Lah Sngi U Blei ka la sdang ïa ka lympung ïalehkai ‘Open Volleyball Tournament’ ha madan Biar, Pohskur.
Kane ka lympung ïalehkai kaba la pynlong na ka bynta ki shynrang bad kynthei, la wan shim bynta 9 tylli ki kynhun kynthup ka Chilliangraij Sports Club, Ladthadlaboh Sports Club, Madankynsaw Knorsyiem A, Lion Mission Compound, Knorsyiem Veteran FC, Lion Sports & Youth Affairs, Rising Star, Kiang Nangbah Govt. HS School bad Northeast Adventist University.
Kane ka lympung ka long shi bynta ka jingpynkhreh ïa ka lympung ïalehkai baheh ha ka Jylla ka Meghalaya Games 2025 ka ban long ha Jowai bad Wahïajer.
Haba phai sha ka jingïakhun ha kane ka sngi, ka Chilliangraij ka la pynliem ïa ka Ladthadlaboh da 2-0 kol bad ka Madankynsaw Knorsyiem A ka la pynliem ïa ka Lion Mission Compound da 2-0 kol.
Katba ka Knorsyiem Veteran FC ka la pynliem ïa ka Lion Sports & Youth Affairs da 2-0 bad ka Rising Star ka la jop da 2-1 kol ïa ka Chilliangraij.
