Shillong, Risaw 20
Ka Seng Samla Mawmluh (SSM) ka la jam sha ka semi final ha ka lympung ïalehkai U-14 Football Tournament 2024 ba la pynïaid da ka Maraikaphon Youth Club.
Kane ka la wan urlong hadien ba ka la lah ban pynliem noh ïa ka Nongwar Sport Club da 2-0 kol ha ka jingïakhun quarter final kaba la long ha ka sngi Saitjaiñ ha madan Maraikaphon, Sohra.
Ïa kol jong ka SSM la thep da u Daphernaki Wahlang lyngba ka penalty ha ka minit kaba 24 bad kawei pat la pynbud da u Pynkmen Sawkmie ha ka minit ba 50.
Ka jingïakhun quarter final kan bteng biang ha ka Lah Sngi U Blei ha kaba ka Nongthymmai ‘A’ kan ïakynduh pyrshah ïa ka Mawkma FC ha ka por 3:15 janmiet. Katba ha ka 22 tarik ka Mawrung Jr. Academy pyrshah ïa ka LSC bad ha ka 23 tarik ka 16 Bros ïa ka MYC ‘A’.
