Jerusalem, Risaw:
Ka tnat shipai Israel ha ka Sngi Nyngkong, ka la pyntip ba ki shipai ka Israel ki la ioh ban pynkhyllem noh ia u heh nongialam jong ka Hezbollah ha Syria. Ia ka kyrteng jong utei u lehnoh ym pat shym la pynpaw kyrteng satia hynrei u long u nongialam jong ka kynhun Unit 4400 jong ka Hezbollah bad kumjuh u nongbei tyngka ia kiba bun tylli ki kam jong katei ka kynhun na Tehran.
Ia utei u heh nongialam ka Hezbollah la ioh ban pyniap da ki shipai Israel ha ka step jong ka Sngi Nyngkong hi.
La iathuh ba ia katei ka kynhun la ialam da u Mohammed Jafar Ksir, uba ju ia tip kum u Sheikh Salah. Hynrei ym pat lah ban pynshisha pat la utei u heh nongialam uba ka Israel ka ioh pyniap ha katei ka step u dei ne em utei u nongialam uba ki ju ia tip paidbah.
Nalor kane, la ong ba ha katei ka step Sngi Nyngkong, na ka liang ka tnat ïada jong ka Syria ruh ka la pynbna ia ka jingiap jong 2 ngut ha ka jing-iakynad bad ka Israel, hadien ba ki shipai ka Israel ki la thombor ia kawei ka kali hapoh Damascus.
