Egypt, Nailar:
U jumai uba 5.5 Magnitude ka jingkhlaiñ, u la pynkhynñiuh ïa ka thaiñ Mihngi jong ka ri Egypt ha ka Sngi Nyngkong, ha kaba, ki bor pyniaid katei ka ri ki la pynkhreh mar-mar ïa ki lad jingïarap ha kylleng katei ka thaiñ ban iarap ïa ki paidbah nongshong shnong lada jia kano- kano ka jingjia kaba hap ban phah jingmaham kyrkieh.
Ia ka jingkhynñiuh la lah ban iohsngew ha kylleng ki bynta jong katei ka thaiñ bad kumjuh ruh na ki thaiñ ba marjan badka.
La ong ba utei u jumai u don ïa ka jingjylliew kumba 40 Kilomitar na ka phang North jong ka nongbah Suez, katkum ka jingkheiñ ba la buh da ka tnat National Research Institute of Astronomy & Geophysics jong ka ri Egypt, ha kaba, ki la pynbeit hadien ba ka bor jingkhlaiñ jong utei u jumai ka dei 5.2 Magnitude.
Hynrei ka tnat Geological Survey jong ka US, ka la pynthymmai ïa ka jingkhlaiñ jong utei u jumai sha ka 5.0 Magnitude.
