Taipei, Risaw:
Katkum ki khubor, la ong ba ka Taiwan ka la pyntip halor ka jingleit poi jong ki jhad iapom ka China sha ki bynta ka duriaw kaba pyniakhlad ia ka Taiwan na ka China. Kane ka long ruh tang hadien katto-katne sngi ba ka China ka la pynkilan ia ki shipai jong ka sha katei ka duriaw kaba don hajan jong katei ka ri dew lynnong (Taiwan).
Namar katkum ka jingkam trai jong ka China naduh ki por ba la leit, ka ju shim ba ka Taiwan ka hap hi sha bynta jong ka China bad kumta ka China ruh ka lah ban pyniasoh biang noh ia katei ka dew lynnong sha lade ha kano-kano ruh ka por bym lah batai.
Kumta ka Taiwan ha ka Sngi Ba-ar ka la iohi ia katto katne tylli ki jhad iapom jong ka China sha ki bynta ka duriaw jong ka Taiwan bad China, kumba 400 Kilometre lane kumba 250 Mile na Pratas, sha ka phang Shathie-mih-ngi jong ka Taiwan. La ithuh ruh ba kitei ki jhad iapom ka China ki thmu ban leit beit-beit sha ki bynta jong ka Taiwan Strait.
