Washington, Naitung:
Katkum ki khubor, la ong ba da ki hajar ngut ki nong America ki la ioh ïa ka jingpang pynhiar kpoh ha kane ka aiom lyiur namar ki khñiang jingpang kiba pynsniew ïa ki jhur- ki jhep ba ki paidbah ki ju pyndonkam manla ka sngi, kaba la wanrah ïa ka jingeh ha ka koit ka khiah ha ka ri baroh kawei, kaba la pynthylli ïa ki dukan salad bad kaba la buh ïa ki heh jong ka jingïada ïa ki marbam ha ka jingpynkhreh kaba jur ha kylleng palat 30 tylli ki jylla.
Ki bor pyniaid jong ka koit ka khiah ha America, ki dang ïa mareh ban wad ïa ka tynrai jong ka jingpur kaba heh jong ka jingpang cyclosporiasis, ka jingpang ha ki kpoh, kaba la wanrah da u khniang jingpang Cyclospora cayetanensis. Katkum ka jingkheiñ jong ka tnat treikam jong ka US (CDC), haduh 7,000 ngut kiba la pynthikna ne kiba lah ban ïoh ïa ka jingpang mynta la ïoh jingtip ha kylleng ym duna ïa ka 34 tylli ki jylla, kaba pynlong ïa ka kum kawei na ki jingpang ba jur tam na ka jingpang ba mih na ki jingbam ha US ha kine ki snem.
Na kine, ka CDC ka la pynthikna ba ki don 1,645 ngut ki nongpang ba la pynthikna ha ka laboratory naduh ka 1 tarik u Jymmang, ha kaba palat 5,100 ngut ki dang don ha ka jingtohkit, ka jingkheiñ kaba ki heh sorkar ki ong ba ka kham bun bha ban ïa ki 249 ngut ki nongpang ba la ïoh jingtip ha ka ri baroh kawei ha kajuh ka por ha u snem ba la dep.
Ka pdeng jong kane ka jingpang ka paw ba ka dei ha America Midwest. Mynta la lap ba palat 3,000 ngut ki don kiba pang tang ha Michigan bad Ohio, bad ki nongtohkit ki ngeit ba u sohjew lane ki sohjew salad ki lah ban dei na ka jingpang. Tang ha Michigan, ki don palat 3,300ngut kiba ioh ïa katei ka jingpang, katkum ka jingtip jong ka CDC, kaba la sot da ki lad pathai khubor kane ka ri.
