Shillong, Risaw 29
Ka Seng Samla Mawranglang Laikyntoit, Mawranglang Laikyntoit Sport Club bad ka seng Hynñiewtrep Integrated Territorial Organisation (HITO) Mawranglang Zone ha ka Sngi Ba-ar ki la pdiang burom ïa u rangïakhun kti ka Jylla u Jimmyson Marweiñ, uba la khur ïa ka takma ksiar bad takma rupa ha ka 8th Asian Arm Wrestling Cup & 7th Asian Para Arm Wrestling Cup 2024 kaba la long ha Mumbai.
Ha katei ka lympung, u Jimmyson ba dang 18 snem karta na ka shnong Mawranglang, Nongmawleiñ kaba ha South West Khasi Hills District, u la khur ïa katei ka takma ksiar ha ka Junior Boys 70kg (Left Hand) bad ïa ka takma rupa ha ka Right Hand.
