Shillong, Risaw 29
Haduh 26 ngut ki ‘thei ïalehkai kin ïadon bynta ha ka jingpyrshang kaba khatduh (final selection trial) ka ban sdang naduh ka Sngi Balang na ka bynta ban ïoh rung hapoh ka thup jong ka kynhun ïalehkai U-15 ka Jylla hapoh ka jingpynïaid ka Meghalaya Cricket Association.
Ka MCA ka la pynmih ïa ka thup kyrteng jong ki khynnah kynthei kiba dei hok kiba la pyndep ïa ka TW-3 ‘age verification test’ bad kine mynta kin leit sha ka jingpyrshang kaba khatduh ka ban long ha Nongkhrah, Ri-Bhoi District ka ban sdang naduh 30 tarik mynta u bnai haduh ka 1 tarik u Naiwieng. Ka por kaba ki hap ban leit ai jingtip ha ka sngi kaba nyngkong kan long ha ka por 7:30 mynstep
Ynda la dep ki jingpyrshang, yn sa pynbna ïa ka thup kyrteng jong 15 ngut ki ‘thei ïalehkai ki ban leit sha ka prokram kilanmet ban pynkhreh ka ban sdang naduh 2 haduh 17 tarik u Naiwieng ka ban long ha Nongkhrah, ha shwa ka U-15 Women’s One Day Tournament jong ka BCCI.
Ki don 21 ngut na ki khynnah kynthei kiba la pyndep ïa ka test dangshen mynta u bnai, katba 5 ngut ki danglah ban rung sha ka kyrdan U-15 katkum ka jingthew jong ki ha u snem ba la dep.
Ki 26 ngut ‘thei ïalehkai ki long ka Isha Ray, Namesha A Marak, Sweet-cemary Khongthing, Leeny Rai, Sharai-suk Marpna, Banchilla Marak, Phila-wanbiang Syiemlieh, Adalyn Fedilia Lyngkhoi, Anniba Aiyosha D Sangma, Eliza Lyngdoh, Deimi Alaska R Marak, Onasa M Sangma, Reavydaysha Lyng-khoi, Priya, Bijime Ch Momin, Phila-syrpai, Idashisha Sohshang, Sonakshi R Marak, Rijanailin Peinleng, Beneros D Shira, Rafinia Ryntathiang, Diya Biswa, Joanna Pyngrope, Jennifer Fancon, Deijiana M Sangma & Evanrihun Sohshang.
Ki nongïalam jong ka kynhun ki long ka Rupashree Sharma (Head Coach), Bhakupar Mylliemngap (Assistant Coach), Sweetie Marboh (Trainer) & Jakrimbal D Arengh (Physio).
