Ka Laitkroh Kasturba Gandhi Gram Seva Centre ” (LKGGSC) kaba don ha shnong Kyrdemkhla (Ilaka Laitkroh Sirdarship), East Khasi Hills Meghalaya, kaba la tei ïa ka ha Kyrdemkhla naduh ka 14.02.1955 hapoh ka khyndew jong ka hi. Kane ka seng trei mon sngew-bha ka don 4 tylli ki tnat trei kam jong ka ha Meghalaya kata ha Magupara bad Jambal hapoh Garo Hills District, ha Tuber ha Jaintia Hills bad ha Kyrdemkhla (Laitkroh). ïa kane la seng da u Mahatma Gandhi u kpa ka jaitbynriew nong India ha ka kyrteng jong ka lok jong u hi ka Kasturba Gandhi, ka long ruh kawei na pdeng ki seng trei mon sngewbha ba la rim tam hapoh ri India, katba ka Representative Office jong ka pat ka don ha Guwahati Sarania, Ullubari, Assam kaba khmih na bynta ka North East bad ki office trei kam jong ka ki don sha kylleng ka Ri India la jan ha man la ki State bad Union Territory ka ri India. Bad ka Headquarter pat ka don ha Indore (Madhya Pradesh), India. Hangne ha Laitkroh Centre, la ai jinghikai da ki 2 ngut ki Baidew kum ki Gram Sevika bad uwei u Helper-Cum-Chowkidar kiba na Assam, ha kaba la ai Training bad la siew stipend ruh ia ki longkmie bad khynnah kynthei na kylleng kylleng kiba wan shah hikai ha ki kam thaiñ jain weaving, knitting. Bad bun kiwei kiwei de la ju pynlong ruh hangne kum ki Social Awareness Programming bapher bapher na ka por sha ka por khnang ban kyntiew ïa ka ioh ka kot ha ka imlang sahlang ïa baroh kata khlem da ñiew shiliang khmat ïano ïano ruh. Nalor kata ki rep phan, rep jhur, ri masi, shna Achar shet pitha ki jingbam tynrai jong ki Assamese, ri ngap, la ju don ruh kum ka Creche ka jaka ba ri bad ai bam ei ïa ki khyllung lai sien ha ka shi sngi kata naduh 9;00 baje mynstep haduh 5:00 baje janmiet kata khlem da don kam ban siew pisa ïa kiba hapoh 6 snem ka rta shapoh na bynta ki kpa ki kmie ba leit trei lyngkha, bylla kumta ter ter. ïa kane ka Centre la ai jingkyrshan lang haduh mynta kum da ka District Social Welfare Deptt. Govt. Meghalaya, District Sericulture Deptt. (Textile) Govt. Meghalaya bad kiwei kiwei de ki tnat sorkar na Central bad State Government. Na ka bynta ki jingmyntoi lang ki paidbah jong kine ki thaiñ ba marjan ruh la khmih da ka Managing Committee (MC) kaba hapoh ka LKGGSC, na bynta ka jingshngain bad jingmyntoi lang kham tam kum ïa kito ki longïing kiba duk ba rangli kiba shu im kyndoi ja kpoh ha la ka sngi. Kumta khnang ban pynneh ruh bad ban ai jingkyrshan lang kum ïa kane ka Centre kaba la long kum ki jingkyrkhu bah lang ïa ngi baroh hapoh Shnong poh thaw, kumta la pynthymmai biang ïa ki nongkit kam jong ka Managing Committee kyrpang na ka bynta kane ka Centre khnang ba kan ïaid beit ïaid ryntih, ha ka 19.10.2024 bad ka iing hi da kawei ka dur bad sur la mynjur bad la jied lang ïa ki nongkit kam kita ki long kumne : Adviser : Bah Sanjeeb Kakoti, President Bah Aliham Zed Sohtun (bah Bye), Vice President Bah Maradona Nongkhlaw, uba long ruh u Rangbah Shnong Kyrdemkhla (Elaka Laitkroh), Secretary-Cum-Treasurer, Miss Babita Nair, Asstt. Secretary, Miss Anjumani Senapati bad Kong Balari Lyngdoh, ki Executive Member, Bah Skhembor Mawniuh, Bah Soket Sohtun, Kong Minolis Donmon, Kong Daphiralin Kurkalang, Kong Hiramita Kharkongor, Kong Lapynkmenlang Pyngrope.
Khublei shibun
A Z. Sohtun, Laitkroh
