Jowai, Naiwieng 01
Ka lympung ïalehkai Super Division Football Tournament-U Kiang Nangbah Memorial Trophy ba la pynïaid da ka West Jaiñtia District Sports Association (WJDSA) kan sdang ha ka 5 tarik Naiwieng ha madan Kiang Nangbah Stadium, Jowai.
Ha kane ka lympung ki la don 8 tylli ki kynhun ïalehkai ki ban ïakhun mar hynñiew sien bad ka por ïalehkai kan long 11.00 baje mynstep bad 2.00 baje nohphai sngi. Kine 8 tylli ki kynhun ki long ka Demthring SC, Shangpung Lumiawmushai, Sailung Ialong, Nangbah Mulang, 7 Wasa United, Ladthadlaboh, Mukhla Raij bad Wahiajer. Ha ka sngi sdang ka jingïakhun kan long hapdeng ka Demthring SC bad Shangpung Lumiawmushai ha ka por 11.00 baje mynstep, ka Nangbah Mulang bad Wahïajer ha ka por 2.00 baje nohphai sngi.
