Mawkyrwat, Naiwieng 04
Ka kynhun ïalehkai jong ka Starboys FC ka la jam sha ka quarter final ha ka Golden Jubilee Knockout Football Tournament 2024 ba la pynïaid da ka Nonglang SC, hadien ba ka la pynliem noh ïa ka Mih Na La Ïing FC ha ka lah sngi U Blei ha madan Pyndenïew Lyngdoh, Nonglang South West Khasi Hills District.
Ha ka jingïalehkai jong ka kylla step, ka Starboys ka la ïoh ban pynkhih jar nyngkong ha ka minit ba 17 lyngba u Roystarman Myrthong bad haduh ba kut ka kylla step ka Starboys FC ka tam 1-0 kol ïa ka liang pyrshah.
Haba wan phai sha ka kylla miet, ka Starboys da ka jinglah ban ïalehkai bha ha kaba ka la thep kol biang lyngba u Donkupar Lyngkhoi, uba la khur ïa ka hat- trick da kaba thep ha ka minit ba 51, 55 bad 72. Une u rangïalehkai shakhmat u la khur syndon ïa ka nam Player of the Match.
Na ka liang ka Nonglang SC ka la pyntip ruh ba ka jingïalehkai ha ka 8 tarik kan long hapdeng ka Sohkhyllam SC pyrshah ïa ka Ryntiehlang FC ha ka por 2 baje noh phai sngi.
