Imphal, Naiwieng:
Ha ka jingkhynra kaba jur ha kylleng ki jaka lum bad them jong ka Manipur, ki bor ba dei khmih ki la pynlong ïa ki jingwad bniah bad ka jingkhynra ban khmih bniah ha ki thaiñ ba jur ki kam pyntriem bad ki jingïakynad.
Kine ki jingpyntreikam ki la wanrah jingjop na ka jingïoh kurup tiar siat bad pynbthei na ka shnong Aigejang bad Uyok Nalla ha Bishnupur distrik.
Ki tiar ba la ïoh ban kurup ki kynthup ïa ki tiar siat ba bun bad ki tiar hiar thma, kawei ka suloi SLR, kawei ka suloi Sniper, ar tylli ki suloi Bolt-Action, ka pistol 9mm kaba khlem kuli, san tylli ki bom kawang kti HE No.36, 18 song ki kuli bym pat pyndonkam, lai tylli ki Wood-piercing Tear Smoke Shell, saw tylli ki kuli jri, lai tylli ki bom pynsat khmat, san tylli ki Soft-nosed Tear Smoke Shell, ar tylli ki bom kawang kti, ar tylli ki bom Tear Smoke, ka WT (walkie-talkie) Set, lai tylli ki jingphong da kuli bad ar tylli ki borni plastik.
