Sydney, Naiwieng:
Katkum ki khubor, la ong ba ka ri Australia ha kane ka kynti, ka la rai ban khang noh ia ka jingpyndonkam ia ki rynsan ‘Social Media’ baroh na ka bynta ki khynnah hapoh 16 snem ka rta namar la ong ba ka jingdon bynta jong ki khynnah ha ki rynsan Social Media ka la ktah jur ia ka jinglong- jingman jong ki khynnah ha kine ki sngi.
U Myntri Rangbahduh ka Australia- u Anthony Albanese ha ka Sngi Palei u la pynbna ia kane ka rai jong ka Sorkar Australia ha kane ka kynti bad u la ong ba kane ka khubor ka long na ka bynta ki kmie-ki kpa jong ka juk ba mynta, ba ki dei ban sngewthuh ba ka ‘Social Media’ ka la ktah jur ia ki khyllung-khynnah jong ka ri ha ka juk ba mynta bad kumta um banse ban leh eiei noh shuwa ba ka por kan dier bad shuwa ba ka lawei jong ka ri kan ngam jyllop noh ha ki bor jong ka ‘Social Media’.
