Washington, Naitung:
Katkum ki khubor, la ong ba ka United States bad ka Iran, ha ka Sngi Nyngkong, ki la kam trai markylliang halor ka jingioh synshar ïa ka duriaw ‘Strait of Hormuz’ bad kane ka jingkam trai jongki, ka long hadien shi taïew jong ka jingiakynad jong kitei ki arliang mamla ha katei ka bynta jong ka duriaw kum shi bynta jong ka jingiakynad Middle East bad la ong ruh ba kane ka jingkam trai jongki, ka la wanrah jingeh ïa ka jingpyrshang jong kiwei pat ki ri bad ki nongpyniasuk, ban pynkut noh ïa ka jingiakynad hapdeng kitei ki arliang ri. Katei ka jingiakynad ka la sdang hadien ka jingshah thombor jong ka jhad kit mar jong ka Iran ha ka Sngi U Blei, ha ki bynta jong ka duriaw-bah Oman bad la ong ba kine ki jingiakynad ki la pynpaw biang ba katei ka duriaw kaba long shi bynta na ka san bynta jong ka iew khaïi umphniang ha ka pyrthei ban ïaid lyngba jongka, ka dang long ka mat ba kongsan ha ka jingiaknieh bor synshar hapdeng ka Iran bad ka US tad haduh kine ki sngi. Ka bynta kaba rit jong ka Persian Gulf ka la sakhi ïa ka jingkit jingbah jong ki jhad naduh ba sdang ka thma hadien ba ka Iran ka la thombor bad khangla ïa kat ki jhad kiba leit poi sha katei ka bynta jong ka duriaw jongk bad kaba la pyntieng pynsyier ruh ïa ki nongpynpoi mar lyngba ki jhad ba kin leit- kin wan sha katei ka bynta jong ka duriaw kaba hap hapoh ka jingkhmih jong ka Iran.
