Shillong, Naiwieng 12
Ka Umphyrnai SC ha ka Sngi Ba-ar ka la jop ha ka jingïalehkai ba nyngkong kaba la long ha ka por shiteng sngi ha madan SSA Ground da kaba pynliem noh ïa ka Mawkhar SC da 2-1 kol. Ïa ki kol jong ka Umphyrnai SC la thep da u Primrose Lamat ha ka minit ba 11 bad 85, bad ka shi kol jong ka Mawkhar SC da u Verfelous Shylla ha ka minit ba 83.
Ha ka jingïalehkai kaba ar ha ka por 3:15 janmiet kaba la long ha kajuh ka madan, ka Nongkseh SC ka la jop kput da 5-0 kol pyrshah ïa ka Pohkseh. Ïa ki kol jong ka Nongkseh SC la ïoh ban thep da u Firstlyborn Khongsit ha ka mint ba 36 bad 53, u Silvanius Diengan ha ka minit ba 62, u Samphrangshai Rani ha ka minit 64 bad da u Chesterpaul ha ka 85 minit.
Ki jingïalehkai ha ka 13 tarik Naiwieng, 2024 ha madan SSA Ground kin long ha ka por 1 baje nohphai sngi hapdeng ka Sawmer SC pyrshah ïa ka Nongthymmai SC bad ha ka por 4:30 janmiet ka Langsning pyrshah ïa ka Ryntih SC.
