Imphal, Naiwieng:
Ki bor pahara ha Manipur ki la ïoh ban kurup ïa ki tiar siat bad pynbthei ba la buh ha ka jaka buh tiar ïaleh bad ki tiar siat kiba heh bha na u lum Utangpokpi jong ka Kakching distrik ha ka por ba ki la pynlong ïa ka jingkhynra kaba man ka por.
Ki bor pahara ki la pynlong ïa ka jingpahara kaba pyrkhing bha ha ka jingpyntreikam da ka jingïatreilang ban pynneh ïa ka jingsuk bad ban ïada na kino kino ki jingjia ba sniew ha ki jaka ba marjan bad ki jaka jong ki rit paid kiba don ha ki jaka lum bad them ha kane ka jylla kaba la shah ktah jur na ki jingïakynad.
Ki shipai ki la ïoh ban kurup ar tylli ki suloi 9mm ba la shna hi bad uwei u Magazine, kawei ka .22 Rifle kaba don Magazine, kawei ka Launcher (Pompi), uwei u bom kawang kti .36 HE, hynriew song ki kuli bym pat pyndonkam, arphew hynñiew tylli ki song ba thylli, kawei ka song thylli ka suloi Lathode, ar tylli ki bom pynmih tdem, san tylli ki bom pynsat khmat, kawei ka “BAOFEN”, kawei ka jaka buh pistol, ar tylli ki jaket BP, kawei ka BP Plate, shijur ki juti ñiom khlaw. Shuh shuh, ki pulit ka Manipur ki la pynthikna ruh ïa ka jingïaid jong ki 250 tylli ki kali bad 12 tylli kiba kit ïa ki tiar ba donkam ha ka surok NH-37 bad NH-2.
Ki heh ba dei khmih ki la shim ïa ki lad pahara kiba pyrkhing bha ha baroh ki jaka kiba lah ban shah ktah, katba la pynbiang ïa ka kynhun pahara ha ki jaka ba don ki rit paid ban pynthikna ïa ka jingleit jingwan kaba laitluid bad kaba suk jong ki kali.
Ha kajuh ka por, la buh ruh haduh 110 tylli ki Naka/Checkpoint ha ki distrik bapher bapher jong ka jylla Manipur, kata ha ki distrik ba don ha ki jaka lum bad ki jaka them.
Ym shym la don mano mano ruh ban shah kem ha ki pulit ha kaba ïadei bad ki jingpynkheiñ aiñ.
Ym shym la don mano mano ruh haduh mynta ki ban shahkem ha ki pulit ha kaba ïadei bad kine ki jingpynkheiñ aiñ.
