Shillong, Naiwieng 14
Haduh 40 snem hadien ba u la ïalehkai nyngkong eh ha ka kam ïakura, bad 19 snem hadien ba u la shongthait na ka kam ïalehkai, u Mike Tyson ba la 58 snem ka rta, un kiew synran biang ha ka Sngi Thohdieng na ka bynta ka jingïalehkai ba la kyrshan da ka Netflix kaba la saphriang kylleng ka pyrthei halor kane ka jingïakura.
U Tyson, uba long u nongkura ha ka kyrdan heavyweight ha ka por jong ka jingïalehkai jong u ha ki snem 1980, u la phong biang ïa ki jingsop-kti sa shisien ban ïakhun pyrshah ïa u YouTuber Jake Paul, 27 snem ka rta, ha ka jingïakhun kaba ha AT&T Stadium, ka jaka jong ka Dallas Cowboys ha Arlington, Texas.
Katei ka jingïakhun kaba 8 tylli ki wat ka dei ban long ha u Naitung mynta u snem, hynrei la pynkynriah noh sha u Jymmang hadien ba u Tyson u la donkam ban leit shah sumar da ka liengsuiñ na Miami sha Los Angeles, hadien ba u la prie da ka snam, namar ka jingpang Ulcer.
Kata ka jingjia ba shyrkhei ha ka suiñ bneng ka la ai sa kawei pat ka atiar na ka bynta ki nongkynthoh kiba bun kiba la pynrem ïa ka jingïakop jong ka Sngi Thohdieng kum ka jingleh circus kaba shyrkhei kaba buh ïa ka jingma kaba ym lah ban pdiang ïa u Tyson, uba la pynkhreh khatduh ïa ka rynsan ïalehkai ha u snem 2005, ha kaba u la shah pynrem lyngba ka 2005 lyngba ka ‘technical knockout’ ha ka jingïakura pyrshah ïa u Kevin McBride uba na Ireland.
“Arphew snem myn-shwa, u Mike Tyson, u la shongthait noh na ka kam ïakura, bad u la shah kynthoh jur ha kiba bun,” la ong u nongïalehkai ba paw nam jong ka ri Bilat, u Eddie Hearn, ha kane ka taïew.
“Lada don kiba pyr-khat ba u Mike Tyson u dei ban don ha ka rynsan ha kane ka rta, phim don satia kano-kano ka jing-sngew shaphang utei u briew, lane phi dei u briew uba bieit. Kam dei ban jia kumta.”
U nongpynmih ïaleh pyrshah jong u Hearn, u Frank Warren, u la pynpaw da kaba ong, “U Mike Tyson uba la 58 snem ka rta bad um dei ban ïaleh-kai shuh.”
“Uno uno uba don shi ounce ka jabieng u tip ba ka long kaba sngew lyngngoh. Phi lah ban don ha ka surok bah kaba sahkut ha ka jingdheng kali bad phi poi ha kaba kut jong ka bad baroh ki dei ki briew kiba la sangeh ban peit ia ka jingshah tynrah – bad kata ka long kane.”
U Tyson, uba ki khubor jong ka US ki ïathuh ba u shah siew kumba $20 million na ka bynta ka jingïakhun ha ka Sngi Thohdieng, u la weng noh ïa ki jingsngewkhia na ka bynta ka koit ka khiah jong u, da kaba kyntu jur haba ki nongkynthoh na ka pyrthei ïalehkai kura ba kim dei ban don ïa ka mynsiem bishni.
