Shillong, Naiwieng 15
Ka Asst. Secretary jong ka Meghalaya Sport Climbing and Mountaineering Association (MeSCMA) ka Kayleigh Petra Nongkynrih kaba na Upper Lumparing ka la shah jied ha ka Indian Mountaineering Foundation (IMF) ba kan long ka dkhot jong ka kynhun ki nongbishar ha ka IFSC Asian Youth Climbing Championship 2024 ka ban long ha Jamshedpur naduh 14-17 tarik mynta u bnai.
Ha kane ka prokram kin don haduh 13 tylli ki ri ki ban wan shim bynta bad 31 ngut ki nongshim bynta na kylleng jong ka ri.
KA IMF ka dei ka synjuk kaba heh duh hapoh ka ri, kaba pynïaid bad synshar ïa baroh ki kam kiew lum bad ki kam ïalehkai kiba ïadei bad kane ha ka ri. Ka dei ka kynhun kaba hap hapoh ka jingkhmih jong ka tnat ïalehkai jong ka Sorkar Pdeng na ka bynta ki prokram kiew lum hapoh ka ri bad kumjuh shabar ri kynthup ïa ka Olympic. Kane ka synjuk ka dei ruh kaba la pynïasoh bad ka International Federation of Sport Climbing (IFSC).
