Imphal, Naiwieng:
Ki la don kumba shiphew ngut ki nongïalam jong ka Congress ha Manipur kiba la thoh shithi sha u heh nong-ïalam jong ka seng u Mallikarjun Kharge ban kyntu ba un shim khia ban leh eiei pyrshah ïa u heh nongïalam u P Chidambaram halor ka jingkren jong u kaba la pynmih jingkulmar halor ka jingshah thombor jong ki jaitbynriew ha Mani-pur.
Ha ka jingthoh ba la pyndam noh mynta, u Chidambaram u la ong ba ka rai jong ka sorkar kmie ban phah sa 5000 ngut ki shipai jong ka kynhun CAPF ha ka por ba jur ki jingïakynad ha ka jylla “kam dei ka jingai jubab.”
“Ka kham long ka jingsngewthuh bad ka jingstad: ban kam ba u Mr Biren Singh, Myntri Rangbah, u dei ka daw jong ka jingmih ki jingeh bad ban weng noh mardor ïa u. Ka long kaba kham sngewthuh: ba ki Meitei, ki Kuki-Zo bad ki Naga ki lah ban ïa imlang ha kawei ka jylla tang lada ki don ïa ka jingsynshar tynrai kaba shisha. Ka kham long ka jinglong nongsynshar: na ka bynta u Myntri Rang-bahduh badonburom ban iehnoh ïa ka jingkheiñ sting jong u, ban leit jngoh ïa ka Manipur, bad ban kren sha ki paidbah ka Manipur da ka jingsngewrit bad ban tip nyngkong ïa ki jingeh bad ki jingangnud jong ki,” la thoh u Chidam-baram ha ka lad phah khubor.
Ha ka shithi sha u Kharge, ki nongïalam ka Congress jong ka jylla ba kynthup ïa ki MLA ba mynta, ki Myntri barim, bad ki President barim jong ka Manipur Congress ki la “pynrem da kawei ka sur” ïa kane ka jingleh jong u Chidambaram.
