Shillong, Naiwieng 25
U Balawanhabor Rynjah uba long uwei na ki nongkiew lum ka Jylla uba don hapoh ka synjuk jong ka Meghalaya Sports Climbing and Mountai-neering Association (MeSCMA) u la wan ha ka kyrdan ba nyngkong ha ka jingïakop ban kiew ïa u mawsiang bad ruh ban kiew ïa u lum Renok (16,500Ft) ha ka por ba pynlong ïa ka Basic Mountaineering Course ha Himalayan Mountain-eering Institute (HMI), Darjeeling.
Utei u samla uba dang pule ha Sankardev Col-lege, u la ïoh da ka grade “A” kaba long ka kyrdan kaba heh tam kaba la ai da ka Mountaineering Institu -tes halor ka jinglah ka jong u ha katei ka pro-kram ai jinghikai kaba la don haduh 51 ngut kiba la wan shah hikai kynthup ïa saw ngut ki samla na America, France bad Bhutan.
Ïa kane ka prokram jinghikai la pynlong naduh ka 21 tarik u Risaw bad ka la kut ha ka 17 tarik mynta u bnai. Ïa utei u samla la kyrshan jingïarap da ka MeSCMA lyngba ka tnat ïalehkai ka Sorkar Jylla.
Kane ka prokram ai jinghikai ka long kaba eh bad kaba pynkylla dur ïa ki nongshah hikai lyngba ki sap ba ki don ha ka rukom kiew lum, kynthup ïa ka physical training, Yoga, rock climbing, ice climbing, jumar climbing, trekking, ice craft, crevasse rescue, map reading, rope techniques bad rappelling. Ïa kane ka jinghikai kaba bniah la shna khnang ban pyn-khreh ïa ki nongïashim bynta na ka bynta ki jingeh jong ki jingleit jingwan sha ki jaka ba jrong.
