Amlarem, Naiwieng 28
Ka Seinbhalang Shkentalang ka la khur jingjop ha ka Super Divison katba ka Krangpamtadong, Iatyllilang Amsalang bad Nongtalang Chnongthmai ki la khur jingjop ha ka Lower Division Football Tournament ba la pynïaid da ka Amlarem Sub-Divisional Sports Association (ASSA).
Haba phai sha ka jingïalehkai Super Division kaba la long ha madan Mini Stadium Ladjaplem, Amlarem ha ka sngi palei ka Seinbhalang Shkentalang ka la jop da 2-0 kol pyrshah ïa ka YC Pdengkarong. Ïa kine ki kol jong ka Seinbhalang Shkentalang la thep da u Sanu Dkhar 76 bad Isac Surong 80.
Ha ka jingïalehkai Lower Division, ka Krangpam-tadong SC ka la pynliem ïa ka Amlari Model SC da 1-0 kol bad ïa kane ka kol la thep da u Pynjanai Dkhar tang hapoh ka 3 minit.
Ha ka jingïalehkai kaba bud, ka Iatyllilang Amsalang ka la pynliem ïa ka TSC Jong U Shen da 1-0 kol bad ïa kane ka kol jong ka Iatyllilang Amsalang la thep da u Maia Lyngdoh 29.
Ha kawei pat ka jingïalehkai ka Nongtalang Chnongthmai ka la pynliem ïa ka Ammutong Pyrshang da 3-0 kol. Ïa kine ki kol la thep da u Mahrhen Lyngdoh 21, Rimiwel Pohchen 30 bad Sebarius Pohchen 40.
