Jowai, Naiwieng 29
Ka lympung ïalehkai 1st Shangpung Badminton Veteran Championship ba la pynlong da ka Shangpung Badminton Association (SBA) ka la poi noh sha kaba kut ha ka Sngi Palei ha Shangpung Auditorium Hall, Shangpung Pohshnong.
Ki jingïakop ki don haduh lai tylli ki kyrdan, kita ka 85+, 95+ bad 105+.
Ha ka jingïakop jong ka kyrdan 85+, la da jop da u Rimilan Passah & Marbiangki Bareh da kaba pynrem ïa u R.D Sungoh & Damehi kyndiah. Ha ka 95+, la jop da u Dauru Laloo & Teddy Laloo pyrshah ïa u R.D Sungoh & Rimilan. Katba ha ka 105+, la jop da u Dauru Laloo & Ambrose Gapthoh pyrshah ïa u Salan Paswet & Rimilan.
Haba kut ka jingïakop u kongsan Bah Teddy Langstang ha ka jingdonlang ki nongïalam bad dkhot ka Shangpung Badminton Association kynthup u Secretary Bah Dapymphermi Chulet nalor kiwei ki la sam khusnam sha baroh ki jongjop.
