Jowai, Naiwieng 29
Ka Nangbah Mulang ka la long ka kynhun kaba nyngkong eh ban buh jaka ïalade sha ka semi final jong ka lympung ïalehkai 8th Invitation Knockout Football Tournament (IKFT) ba la pynïaid da ka Wahïajer Sports Club.
Kane ka la wan urlong hadien ba ka la lah ban pynliem noh ïa ka Friends United da 7-0 kol ha ka quarter final kaba la long ha madan Wahïajer Sports Complex ha ka sngi Thohdieng.
Ïa kine ki kol jong ka Nangbah Mulang la thep da u Jeffrey Nongrud ha ka minit kaba 30, kumjuh u K.L Chama (40+3), Karan Sharma (44), Pai Gangtei (53), Balten Kharlung (68), Jagu Rao (70) bad Dinaman Singh (73). Ïa ka nam Man of the Match la ïohpdiang da u Jefreey Nongrud rangïalehkai ka Nangbah Mulang.
Ka jingïalehkai quarter final kaba bud kan long ha ka 4 tarik u Nohprah hapdeng ka Jalapang SC pyrshah ïa ka YBSC Shella ha ka por 1:30 baje nohphai sngi.
