
Shillong, Nohprah 11
Ka Shillong Sports Asso-ciation (SSA) ka la sdang ïa ka lympung ïalehkai jong ki kynthei ba la tip kum ka Women’s Football League 2024 ha ka Sngi Balang ha kaba ka Laitkor SC ka la pynbam palat shiteng dorjon ïa ka Pay For Right Football Academy kata da 7-0 kol.
Ka Sanfida Nongrum ka la ïoh ïa ka hat-trick da kaba ka la thep marwei haduh saw kol kata ha ka minit kaba 5, 19, 34 & 50, kumjuh ka Daiamon Makroh ka la thep ar kol ha ka minit ba 27 & 65 bad ïa kawei pat la thep da ka Tracy Rympei (6).
Ki la don 10 tylli ki kynhun kiba la wan shim bynta ha kane ka lympung bad la phiah ïa ki ha ki ar tylli ki group. Ha ka Group-A ki long ka PFR, Laitkor, Madanryting SC, Kharang SC bad ka Mawpat SC. Ha ka Group-B ki long ka Rangdajied United FC, Lumparing SC, Nongrim Hills SACC, Smit SC bad ka New Challengers.
Ka jingïalehkai jong ka Group-A ha ka sngi Palei kan long hapdeng ka Madanrting pyrshah ïa ka Kharang SC ha ka por 12:15 mynsngi. Katba ha ka Group-B, ka Rang-dajied kan ïakynduh pyrshah ïa ka Lumparing ha ka por 10 baje mynstep bad ka Smit ïa ka Nongrim Hills ha ka por 2:30 nohphai sngi.