Jop ka Moosakhia ha ka Upper, Dongwah, Shmiapang & Padu ha ka Lower Division

Ha ka jingïalehkai kaba bud, ka Shmiapang Youth Club ka la pynliem noh ïa ka Jaraload SC da 1-0 kol bad kane ka la wan urlong lyngba u Shan Buam (47).

Jowai, Nohprah 12

Ka TSCD Moosakhia ka la jingjop ha ka Upper Division, katba ka Dongwah Thangbuli, Shmiapang Youth Club bad Padu Mawsku ki la jop ha ka Lower Division Football ba la pynïaid da ka Amlarem Sub Division Sports Association (ASSA).

Ha ka jingïalehkai Upper Division kaba la long ha madan Mini Stadium Ladjaplem ha ka sngi Palei, ka TSCD Musakhia ka la pynliem noh ïa ka Nongtalang Khlachympa lyngba ka shi kol ba la thep da u Chanbor Kyndait (60).

Katba ha ka Lower Division, ka Dongwah Thangbuli ka la jop da 1-0 kol ïa ka Sohkha Shnong. Kane shi kol ka la wan urlong lyngba u Eveningstar Pamksang (36).

Ha ka jingïalehkai kaba bud, ka Shmiapang Youth Club ka la pynliem noh ïa ka Jaraload SC da 1-0 kol bad kane ka la wan urlong lyngba u Shan Buam (47).

Ha kawei pat ka jingïalehkai ka Padu Mawsku ka la jop da 1-0 kol ïa ka Mukhim Brother. Ïa kane ka shi kol la thep da u Kitbok Langshiang (8).