
Jowai, Nohprah 13
Ka Grounded FC bad Onfiroy ki la ïoh jingjop, katba ka Tyrshang bad Nongkhroh Sohbar ki la ïakhaid ha ka Thadlaskeiñ Football League ba la pynïaid da ka Thadlaskeiñ Sports Association (TSA) ha madan Stadium Wahïajer ha ka Sngi Thohdieng.
Haba phai sha ka jingïalehkai, ka Grounded FC ka la pynliem ïa ka Mukhla Veterans da 2-0 kol. Ka Onfiroy FC ka la jop pyrshah ïa ka Nartiang SC da 2-0 kol.
Ha kawei pat ka jingïalehkai, ka jingïakhun ka la kut khlem don mano-mano ban thep kol hapdeng ka Tyrshang bad Nongkhroh Sohbar.
Ha ka 16 tarik Nohprah, ka jingïalehkai kan long hapdeng ka Maya SC A pyrshah ïa ka Madansynrang SC ha ka por 10.00 baje mynstep, ka Modop FC pyrshah ïa ka Nongkhroh ha ka por 12.00 baje mynsngi. Ka Lurshai Larnai pyrshah ïa ka Iawpynsin ha ka por 2.00 baje nohphai sngi.