Bengaluru, Nohprah:
Ki nongrep kiba la ïakynduh jingeh na ka jing-rang tyrkhong ha Mandya ki khmih lynti ban ïoh jingïarap shuh shuh na ka sorkar.
Kham ha shwa ïa ka pisa halor ka jingduhnong jong ki ha ka jingsiew kaba T. 34.94 klur ïa kaba la phah sha ki Bank Account jong 79,839 ngut ki nongrep ha ka distrik, ha ka por ba ka la don ka jingïakren lyngba ka durkhir bad ki nongïalam shnong jong ka Mandya ha kine ki khyndiat sngi, u Deputy Commissioner Kumara u la ong ba kiba bun ki nongrep ki la ïathuh sha u lyngba ka phone ba kim pat ïoh ban pdiang ïa ka jingïarap pisa halor ki jingthung kiba la shah pynjulor.
Ha kaba ïadei bad kane, ki nongïalam shnong ki la dei ban shim ïa ki sienjam na ka bynta ban weng ïa baroh ki jingeh ba ki nongrep ki la ïakynduh.
Hadien ba ka la don ka jingleit jurip bniah halor ka jingshah pynjulor jong ki jingthung jingtep na ka daw jong kajingha jong u slap uba khlem sangeh bad uba hap khlem pat dei por, la shem ba ki ba bun ki jingthungha ki lyngkha kiba la kot sha ka 39,812 hectares kiba dei jong ki 79,839 ngut ki nongrep la lah ban ithuh bad ïa ka kaiphot la phah na ka bynta ban dawa halor ka jingai jingïarap.
Katkum ki kyndon jong ka NDRF, la ong ba ïa ka jingïarap pisa la dep ban pyllait hashwa, u la ong.
