Srinagar, Nohprah:
Ki bor sorkar ki la bteng ban khmih bniah ha kaba ïadei bad ka jingshngaiñ jong ki nongshong shnong khamtam na ka jingsynjor jong ka khyndew ha kylleng ki jaka khamtam ha ki thaiñ ba la shah ktah teng ha ka jingorpait ki ïing, ki surok bad kiwei pat ki jaka.
Ha ki khyndiat bnai ba la leit, ki la don bun tylli ki ïing kiba la julor, ka bording kaba dei u budlum ka la sniew namar ka jingngam jong ka khyndew ha Ramban distrik kaba don ha Jammu & Kashmir. Kane ka jingjia ka la buh jingeh ïa ka shnong Pernote, kaba don ha ka jaka kaba jngai da kumba 5 km na ka District Headquarters. U Deputy Commissioner u Baseer-ul-Haq Choudhary u la leit ban jurip bniah ïa katei ka thaiñ kaba la shah ktah jur.
Kane ka jingjia ka la sdang ban paw pyrthei ha u bnai ïaïong jong une u snem, ha kaba ki la don kumba katto katne tylli ki ïing kiba la orpait, ka surok bah kaba pynïasoh hapdeng ka Ramban ka la kdiah namar ka jingngamn ka khyndew ha ka shnong Pernote. Kane ka jinglong jingman ka la pynlong ïa kiba bun ki longving ha ka thaiñ ba kin phet shnong shwa sha ki jaka ba kham shngaiñ.
Kum shi bynta ban ai jubab halor kane ka jingjia, ki stad ba dei khmih halor ka jinglong ka mariang ki la shah khot na ka bynta ka jingkylli jingkylli ban tip kham bniah halor ki daw ba don sha lyndet halor kane ka jingngam jong ka khyndew, katba ïa ka kynhun ba la jied jong ki heh nongpynïaid distrik la pyntreikam na ka bynta ka jingleit khmih bniah bad ka jingpyntreikam na ka bynta ban maramot halor kine ki jingjulor.
Ki nongïarap shnong, ha ryngkat ki shipai ka kynhun State Disaster Response Force (SDRF) bad ka National Disaster Response Force (NDRF), ki la shah jied na ka bynta ban ai jingïarap sha ki lanot kiba la shah ktah bad ban rah ïa ki tiar ki tar na ki ïing ba la julor sha ki jaka ba ki sah. Kaba kum kane ka jingjia ka la jia ruh ha u bnai Rymphang jong u snem ba la lah ha kaba ki la don kumba 16 tyli ki ïing kiba la julor, ka surok ba la pynïasoh hapdeng Gool bad Ramban ka la shah pynjulor bun na ka daw ka jingngam jong ka khyndew ha ka thaiñ Sangaldan kaba don ha ka shnong Duksar Dalwa.
