
Shillong, Nohprah 15
Ka East Khasi Hills Cricket ka la plie sa kawei pat ka jaka ïalehkai kriket (Concrete Pitch) ha ka sngi Saitjaiñ ha Mawphlang. Ka jingthmu jong kane ka long ban ïarap pynbiang ïa ki jaka ïalehkai ha ki jaka nongkyndong khnang ba kan long ka jingplie lad ïa ki khynnah kiba don ïa ki sap ïalehkai kyrpang.
Ha kane ka sngi la ïadon lang u Dhruva Thakuria, Treasurer ka Meghalaya Cricket Association (MCA), kumjuh u MDC kane ka thaiñ, Bah Lamphrang Blah, u Rangbah Shnong Bah M. Dohling bad kiwei kiwei.
Dangshen, na ka liang ka MCA ka la plie ruh ïa ka jaka ïalehkai ha Smit bad Thynroit ha ka 12 tarik ryngkat ka jingïadon lang u dkhot ka Meghalaya Cricket Association u Bah MacDonald Kharsawian, kumjuh u Sordar ka Smit bad u President ka Thynroit Cricket Club nalor kiwei pat.