Jop ka Maya SC A, Lurshai Larnai & Nongkhrohkrem ha ka TFL

Ka Maya SC A, Lurshai Larnai bad Nongkhroh-krem ki la ïoh jingjop ha ka lympung ïalehkai Thadlaskeiñ Football League ba la pynïaid da ka Thadlaskeiñ Sports Association (TSA) ha ka Lah Sngi U Blei ha...

Jowai, Nohprah 16

Ka Maya SC A, Lurshai Larnai bad Nongkhroh-krem ki la ïoh jingjop ha ka lympung ïalehkai Thadlaskeiñ Football League ba la pynïaid da ka Thadlaskeiñ Sports Association (TSA) ha ka Lah Sngi U Blei ha Wahïajer Stadium.

Ha kane ka jingïa-khun ka Maya SC A ka la pynjemkhnap ïa ka Madansynrang SC haduh 5-0 kol. Ha ka jingïalehkai kaba bud, ka Nongkhrohkrem ka la jop da 1-0 kol ïa ka Modop SC. Katba ka Lurshai Larnai ka la jop ïa ka Ïawpynsin SC da 5-1 kol.

Ka jingïalehkai ha ka 18 tarik kan long hapdeng ka Laru FC pyrshah ïa ka Niriang (10 AM), kumjuh ka Ryntih Mynsngat ïa ka Madansynrang SC (12PM) bad ka Nang -roi-i FC ïa ka Khlieh -tyrshi SC (2PM).