Amlarem, Nohprah 29
Ka Kynrumlang-I FC bad Synroplang FC ki la ïoh jingjop ha ka ’11th Secondary School Invitation Football Knockout Tournament’ ba la pynïaid da ka Dorbar shnong Pdengshakap ha ka 28 tarik mynta u bnai.
Ka Kynrumlang-I FC ka la lah ban pynliem ïa ka River Side FC lyngba ka tie-breaker da 5-3 kol hadien ba kim shym lah ban thep kol ha ka por ba la buh. Katba ka Synroplang FC ka la jop ïa ka Be My Fan lyngba ka tie-breaker da 4-2 kol hadien ba ki la ïakhaid mar 1-1 kol haduh kaba kut ka jingïalehkai.
Ïa ka kol jong ka Synroplang FC la thep da u Bantei Kurbah ha ka minit kaba 33, katba na ka liang ka Be My Fan ka la lah ban pynphai kylla lyngba u Rikut Tariang (70).
Kane ka lympung kan bteng biang ha ka 4 tarik Kyllalyngkot 2025 ha kaba ka Amlanai 03 kan ïakhun pyrshah ïa ka Azad AFC 2 ha ka por 12 baje mynsngi, katba ka Nohron SC ïa ka West Jaiñtia Police ha ka por 2 baje nohphai sngi.
