Shillong, K’Lyngkot 12
Ka lympung ïalehkai 3rd division cricket league 2024-25 ba la pynïaid da ka Shillong Cricket Association ka la nangjam shaphrang ha kaba ka Lagaan 2.0 ka la ïoh jingjop hadien ba ka la pynliem noh ïa ka Solidarity Club da 104 run.
Ka Lagaan 2.0 ka la shimti ban tied nyngkong ha kaba ka la ïoh 208 ron bad hap 9 wiket ha ki 20 over. U Anuj Kumar u la tied 53 runs na ki 27 bol bad u Subhas Kumar u la ïoh 29 ron na ki 29 bol. Katba u Deepak Mahato u la shim 3 wiket bad 2 wiket da u Raju Chettri.
Haba wan beh ïa ka thong ka Solidarity Club ka la tied 104 ron bad hap 10 wiket ha ki 13.4 over. U Ashish Prasad u la tied 30 ron na ki 22 bol bad u Shubham Sharma la ïoh 16 ron na ki 17 bol. Katba u Anuj Kumar u la shim 3 wiket bad shi wiket da u Aniket Kumar. Ïa ka nam Player of the match la ïohpdiang da u Anuj Kumar.
Ha kawei pat ka jingïakhun ka FSB ka la jop da 18 ron ïa ka super challengers. Ka FSB kaba la tied nyngkong ka la ïoh 113 ron bad duh 10 wiket ha ki 17.3 over. U Prashenjit chanda u la tied 27 ron na ki 36 bol bad u Debojit Phukan u la ïoh 18 ron na ki 10 bol. Katba u Vishal kumar u la shim 4 wiket bad shi wiket da u Arun sewa.
Haba wan beh sha ka thong, ka Super Challengers ka la ïoh tang 95 ron bad hap 10 wiket ha ki 14.4 over. U Karan Dehorariya u la tied 18 ron na ki 10 bol bad u Arun sewa u la ïoh 14 run na ki 9 bol. Katba u Sangram Bhattacharjee u la shim 3 wiket bad 2 wiket da u Subro Sarkar. Ïa ka nam Player of the match la ïohpdiang da u sangram Bhattacharjee.
