New Delhi, Kyllalyngkot:
Ki shipai ka tnat Border Security Force (BSF) ki la jop ban pynthut ïa ka jingthmu ban rung beaiñ bad beh krad ïa ki 24 ngut nong Bangladesh bad 2 ngut ki Rohingya kiba pyrshang ban rung da ka lynti kaba beaiñ sha India.
Kane ka jingkhynra ka la long ha ka 12 tarik Kyllalyngkot ha ki thaiñ North 24 Parganas, Nadia, bad Malda distrik.
Ka jingpeitngor jong ki BSF ka la pynlong ban ïoh ban khanglad ïa ki katto-katne ngut ki nongwan rung tuh, ha kaba 20 ngut ki nong Bangladesh bad 2 ngut ki Rohingya ki la shah pynbor ban wanphai biang sha Bangladesh na North 24 Parganas distrik.
Nalor kata, sa 4 ngut ki khar Bangladesh ki la shah beh noh na ka Elaka Nadia.
Kat kum ka jingïathuh jong ki BSF, bun na ki nongwan rung tuh ki la leit sha ki nongbah ba heh jong ka ri India kum ka Mumbai, Bangalore, bad Hyderabad na ka bynta ki kam bylla bad ki kam pynkhuid ïing.
Ha katei kajuh ka sngi, ki shipai BSF ki la jop ruh ha kaba ki la lah ban khanglad ïa ka jingpyrshang ban khaïi tuh kaba jur bha ha katei ka thaiñ. Da kaba leh katkum ka jingtip, la buh ïa ki shipai BSF ha ki jingker harud um ha ka jingpynkhreh kaba jur bha.
Ki la ïohi ïa uwei u nongkhaïi beaiñ uba la shah suba na ka jingïaid stet sha wah da kaba rah ïa ka pla plastik.
Hadien ba u la shah hukum u nongkhaïi tuh, u la bret noh ïa ka pla bad u la phet krad sha ka jaka ba don ki jingthung ba jyrngam kiba don hajan jong u.
Hadien kane ki BSF ki la ïoh ban kurup ïa katei ka pla, kaba don ar tylli ki song ba la pyndap da ki jingdih pynbuaid.
Baroh la ïoh ban kurup haduh 565 tylli ki bilor u dawai Phensedyl, lai kilo u Ganja, 2,900 tylli ki sla dawai Quinine Sulfate Tablet, bad 700 tylli ki dawai Injection dawai Quinine Dihydrochloride.
Ha ka jingkhynra kaba kyrpang ha kane ka juh ka sngi, ki shipai BSF kiba don ha ki jaka khappud Mahdipur, Gopalnagar, Sabdalpur, bad Nawada, baroh ki dei ki bynta jong ka 119th Battalion, ki la ïoh ban kurup haduh 565 bilor u dawai Phensedyl na la ki jong ki jong ki jaka.
Ha kajuh ka por, ki shipai jong ka 88th Battalion ha Border Outpost Pannapur ki la ïoh ban pyllait im ïa 8 tylli ki masi na ki nongkhaïi tuh, katba ki shipai ka 115th Battalion ki la ïoh ban pyllait im ïa 3 tylli ki masi.
Ki BSF ki la aiti sha ki bor ba dei peit ba kin leh katkum ka aiï, bad ïa ki masi ba la ïoh ban pyllait yn sa leh E-tag shwa ban aiti sha ka Dhyan Foundation ban sumar bha.
U South Bengal Frontier’s Public Relations Officer u la pynthikna ba ki BSF ki pyndonkam ïa ki lad ki lynti kiba tyngeh ban khanglad ïa ka jingkhaïi tuh bad ka jingwan rung kyrthep ha khappud India bad Bangladesh, da kaba pynthikna ba ïa kum kine ki jingpyrshang yn ïakynduh da ki kam kiba kloi bad kiba rai.
