Imphal, Kyllalyngkot:
U nongaiktien jong ka seng JD(U) ha ka ri, u Rajiv Ranjan, u la ong ba ka jingshah weng jong u Ksh. Biren Singh ka dei namar ka jingbym don akor bad pynskhem ba ka seng kan dang bteng ban kyrshan ïa ka sorkar ba la ïalam da ka BJP ha kane ka jylla ka thaiñ Shatei-lam-Mihngi.
Ka seng JD(U) ha ka Sngi Balang ka la beh noh ïa u President ka seng jong ka na Manipur u Ksh. Biren Singh, ha ka jingpyrshang ban pynjem ïa ki jingkynnoh kiba nangjur halor ka jingïadei jong ka bad ka BJP.
U Ranjan u la pynskhem ba ka JD(U) ka dang ïai bteng ban kyrshan ïa ka kynhun NDA ba la ïalam da ka BJP, ym tang ha Manipur hynrei ha baroh kawei ka ri.
“Ka seng jong ngi ka la trei shitom ban pynkhlaiñ ïa ka NDA bad kan ïai bteng ban leh ïa kane,” u la bynrap.
Kane ka jingkren jong u Ranjan ka la long hadien ba u Ksh Biren Singh u la kam ba ka seng ka la weng noh ïa ka jingkyrshan ïa ka sorkar u Biren Singh ba la ïalam da ka BJP bad pyntip ïa kane ka rai jong ka sha u Lat u Ajay Kumar Bhalla.
Une u heh nongïalam hapoh ka jylla u la kam ruh ba u MLA shimet jong ka JDU ha ka jylla u Md Abdul Nasir un shong ha ki shuki jong ka liang pyrshah.
