Shillong, Rymphang 12
U Shubman Gill u la bteng ïa ka rukom ïalehkai ba itynnad ha ka ODI pyrshah ïa ka England ban long u nongtied ba nyngkong jong ka India ban khyrwit ïa ka shispah run kaba 50 sien ha ka ODI.
Kane ka jinglah ban ïalehkai bha jong u ka la wan ha ka jingïalehkai ba lai bad khatduh jong kane ka series ha Ahmedabad ha ka Sngi Balang.
Na ki 95 bol u la long u nongtied uba kham kongsan namar u la long tang ma u, u nongtied ba san ban khyrwit ïa ka spah run ha kajuh ka jaka ha baroh lai tylli ki rukom ïalehkai. Mynta u Gill u la ïoh ïa ki spah run ha ka jingïalehkai Test, T20I, bad ODI ha Narendra Modi Stadium.
U Faf du Plessis (Wanderers), David Warner (Adelaide Oval), Babar Azam (National Stadium) bad u Quinton de Kock (Supersport Park) ki la long napdeng kiwei pat ki nongtied kiba la lah ban ïoh ïa ki shispah run ha kajuh ka jaka ha baroh lai tylli ki rukom ïalehkai.
Ha kane ka jingïakhun u Gill u la lah ban khyrwit ïa 14 tylli ki ‘four’ bad lai tylli ki ‘six’ na ka bynta ba un ïoh 112 run na ki 102 bol shwa ba un shah pynhap ha u Adil Rashid.
Te kumta u Gill u la long uba stet tam ban kynjoh shaduh ki 2,500 run ha ka ODI bad kane ka long ka jingjop ha kane jingïaid lynti ka jong u naduh ba u dang khynnah.
