Te kum ki briew ym don kiba lait na ka jingïap. Naduh u Adam bad ka Im kita ki briew ba nyngkong eh, nangta u Kaiñ bad u Abel U Moses, U Abraham, U Isaak, u Jakob, U Joshua, U Solomon u Isaiah u Amos bad haduh u Jisu bad kiwei kiwei kiba paw kyrpang ha ka Baibl bun ki la ïap. Namar ym don uba lait na ka jing-ïap. Ka Mari bad u Joseph kiba long ka kmie u kpa u Jisu ruh ki la ïap, namar baroh ki la leh pop bad ki la duh lehnohei ïa ka burom jong u Blei.
Ka Baibl ka ong ruh u Jisu u la ïap bad la tep ïa u ha ka jingtep ba la tih jlih ha u maw ha ka bym pat ju tep briew. (Loukas 23 : 53). ïa u Jisu ruh ka Baibl ka ong u la ïap hynrei u la mih pat, katba ïa kiwei kiwei te ym don kiba la mih pat. U Lasaros ruh u la ïap la saw sngi bad u la iwtung u la shah pynim. Te balei yn pynim tang ïa u Lasaros katba ïa kiwei kiwei bad kumjuh ïa ki synran u Jisu ki khlem ïoh jingpynim ki la ïap lut.
Ki shah iehnoh beiñ khlem pynim. Balei ym shym la pynim ïa kiwei kiwei de bad kumjuh ïa ki synran u Jisu ym shym la pynim ? Kiba ïap ha kano ka rukom lah ban pynim bad kumno pat kiba ïap ym lah ban pynim ? Namar ha ka jingshisha ka jingïap kam ju map ïano ïano ruh ka rat naphang lin ïa baroh ki kynja jingthaw ba im baroh.
C. B. Iawphniaw
